1/8/22

 1/8/22     MON     HOT

 今日都係有啲宅啦, 係揍德嗰時先出去咋! 朝早瞓到8點幾呀, 但因為有發夢都係瞓得唔好架, 整早餐食完就等10點有人嚟幫我剪頭髮, 剪完到Letty剪, 佢打完網球過來嘛, 咁就可以慳番啲交通費, 其實都係剪得一般啦, 我但求剪短咗就算! 剪完要吸番乾淨個地, 另類體驗! 等佢地走咗, 開電腦做吓嘢啦, 跟住就係要整午餐, 求奇地整番之前蕃茄薯仔湯啲薯仔食就算啦! 然後都係追吓劇, 仲仲又要我同佢打吓機咁囉, 夠鐘就出去揍德, 返嚟佢兩個又鬥顛啦, 而家仲仲做咩佢就做咩, 好好笑! 食完飯都係沖涼休息, 仲有等老公換咗printer啲墨就print埋要簽的文件, 其實都冇咩好做架啦, 要明的都明, 唔明的其實都冇咩可以做! 信啦......吸引力法則, 你信一切順利就會順利! 晚上有仲爺的按摩服務, 睇吓佢幾時玩到悶就冇架啦!