26/8/22

 26/8/22     FRI     COOL

話咁快暑假最後一個星期五都過埋, 其實又唔係話特別唔捨得, 返工就有返工的模式咁解, 充實好多! 今朝7點多都醒咗, 又係睇吓機咁, 8點先起身梳洗整早餐, 食完出去買咗雞肶先, 今晚子元要踢波, 所以要食簡單啲! 買完返嚟清潔咗個廁所同廚房先, 跟住又同佢地玩switch又玩到煮午餐啦, 今日食廚餘加蒸肉餅拼米線, 因為有口水雞個汁, 加落個米線到冇得頂! 下午都係hea, 又開始唔想郁, 等到夠鐘先去接德仔, 今日佢返到嚟又好嗲咁痴住唔放, 但都唔可以成日抱住囉, 攰架嘛仲要整飯食呢! 仲仲就係到彈ukulele, 佢可以將幾首歌combined埋好似人地串燒歌咁, 好勁! 最搞笑係德德聽完識講好好聽呀, 真係睇住佢終於識講嘢識溝通吓! 老公揍咗子元去踢波, 我同仲爺食飯先, 睇吓電視咁啦, 等佢地返嚟食完洗埋碗先沖涼休息!