7/8/22

 7/8/22.    SUN.    HOT

今日梗係要瞓到自然醒啦，不過我都係九點左右就醒咗， Hea到咁上下忍唔住要食啲嘢先，因為老公叫極都唔肯起身出門口，屋企啲蛋同肉都冇晒啦要去Costco入貨，我哋三個都等唔切佢要食咗嘢先去到Costco先再食熱狗，然後就買嘢！買完返到嚟又要分貨，老公就洗車，仲仲就喺度幫佢手洗車，分好晒啲肉冰好晒，我就再出超市入啲貨，返到嚟仲要出抹地同埋摺衫，又可以做到隻嘢咁！佢哋就打機同瞓覺，公平咩！ ！ ！叫老公煮飯叫咗半個鐘佢先至肯起身，終於有飯食，就開返星期五嗰集嘅模範的士出嚟睇！食完飯都去洗碗沖涼休息啦！