10/1/23

 10/1/23     TUE.    RAIN

今朝早又落住雨咁返學，真係好難病好咁，成日淋雨！返到去今日係induction day，頭三堂都係跟form上，最慘係Bella返到但搵唔到佢嗰班去咗邊，搞咗一輪終於搵到，我就可以安心咁溫書！第二堂要去hall聽嘢，我就轉咗溫考車，第三堂放飯，食飽再開工！最尾嗰堂最正，可以名正言順用電腦嚟溫書！放學接埋仲爺買埋餸返屋企，快手整好德個飯放入暖水壺，再整定晚飯的雞脾，今晚兩個去踢波，德要喺車食飯呢！我一早煮好埋飯返嚟就開飯，儘囡摺埋啲衫先有得瞓呢！