21/1/23

 21/1/23.    SAT.    COLD

今日行程緊密，本來細佬要練多，因為場地結冰又唔使踢，所以先喺屋企做一輪嘢，換完床單寫埋揮春先出門口過去舊屋執嘢，今日進度好好，已經清哂所有嘢落樓下，每日搬啲過去應該可以！去食埋午飯就返屋企，放低啲仔同貨就出去買餸，返得去都4點幾，同嫲嫲佢地講陣電話就執埋攞咗過嚟啲嘢，貼埋揮春，終於可以休息吓，今朝開始又唔舒服，頭痛同咳！攤咗喺梳化一輪等老公的團年飯，多餸到不得了，可以食到年初一！洗埋碗沖涼抖吓啦，明天仲爺要比賽，賀歲杯！