13/1/23

 13/1/23.    FRI.    WIND

子元半夜走上嚟話勁頭痛，但都有咩幫到佢，老公再比咗感冒藥佢食，明天先再算，但我就好難瞓番，瞓番都係咁發夢，攞命！朝早起身佢又冇咩啦喎，佢話出咗身汗嘔咗就冇咩，咁就照返學啦！我哋都如常咁返學啦，今日大致都冇咩問題，順順利利又放工，係成日拍正個唔多想同佢同一個課室嘅同事囉！咩都執正嚟做麻鬼煩！放學快手閃人，Mandy今日接唔到，我要自己接番，所以即刻返屋企，老公都係通唔到條渠，我哋搵埋人嚟通，佢本胸有成竹咁，但最終咩都做唔到，都唔知點算啦，想用錢解決都冇得解！老公再自己嚟！