14/1/23

 14/1/23.    SAT.    COLD

今朝又落雨落到仲爹冇得練波，不過子元就要比賽，所以佢哋一起身就出咗去，我同細佬就食完早餐各自休息，不過醒起細佬要做功課，就捉佢快啲做完先！佢哋踢完波返嚟就出去食嘢，食完送返佢哋返屋企，我哋就要出去買嘢，差不多成個月冇去過入貨，樣樣都唔夠！估唔到一買就買咗差不多四個鐘，真係幾誇張！而且買咗好多錢，嚟緊一個月都應該唔再需要入貨！返到去淨係處理返啲食物都用咗好耐，老公煮埋晚餐，食完洗埋碗都已經九點幾十點，快啲沖埋涼就休息啦，雖然聽日佢哋唔使踢波，但都要過舊屋嗰邊清下場，得返一個月多啲就要交屋！