2/1/23

 2/1/23.    MON.    COLD

今日係最後一日假期啦，聽日仲要返工！朝早起身自己食完早餐，佢哋自己瞓醒先再自己煮嘢食，然後都係有啲無所事事，細佬開咗all star籃球賽嚟睇，結果睇到12點幾先至出去，我哋只係去咗附近個商場買吓嘢，因為我又要買返個年曆，仲要去馬莎買麵包，最終喺Lidi買埋聽日嘅餸，因為唔想聽日放工之後急急趕咁去買，去麥當勞食嘢就返屋企，又係繼續無所事事，老公就變咗做中盞燈，不過唔係好成功，因為個天花板係咁剝落，我要用方法令到個天花板唔甩，我就要由佢嗰個燈罩邊！不過老公煮晚餐咁就唔理咁多啦，食完洗埋沖涼聽日返學啦早啲瞓！