31/1/17 TUE WARM
今日出足一日街, 冇辦法啦, 放假梗係要玩到盡, 反正之後老公返工得我一對二時慢慢喺屋企吽! 梳洗完出門口都已經11點, 食埋早餐先去咗睇thomas, 有好多thomas車車喺土瓜灣嗰個商場呢, 睇完就去咗mega box, 睇咗好多嘢, 主要都係睇傢俬嘢, 咁都有比佢地去睇吓玩具GE, 估唔到行咗都有五六個鐘, 不過就睇咗好多啱用的枱呀梳化呀等等, 跟住就返咗美孚試吓間新的美心香港地, 但仲未有小菜, 所以只可以食飯同粉麵, 跟住就返屋企沖涼瞓覺, K.O.咗佢地打吓機hea吓咁啦!
2017年1月30日 星期一
2017年1月29日 星期日
29/1/17
29/1/17 SUN WARM
今日年初二, 都係如常地要入阿婆到拜年, 不過朝早就8點幾開始比仲爺嘈醒咁啦, 起身煮埋早餐食, 12點出門口入沙田, 去到都係食個飯咁啦, 仲爺食飯時衰衰咁就梗架啦, 但都叫做食哂半碗啦, 兩點多比佢落去樓下玩吓遊樂場, 笨元就跟隊打咗陣籃球, 3點多返屋企, 本來約咗Lincon打籃球, 但因為落雨最終冇打到, 老公同仲仲就瞓覺, 我同子元就hea, hea到6點多叫醒佢地, 去接埋嫲嫲就去愉景新城晚飯, 本來諗住食牛陣, 但佢竟然因為仲仲過咗90CM, 要收小童價, 又冇話佢錯, 咁我地覺得仲仲都唔食嘢我地又唔想比錢, 咁咪唔食囉慳番! 最後去咗食delifrance, 然後又去咗玩夾公仔, 放水咁放呢! 然後送嫲嫲回家我地就返去啦, K.O.埋兩個就hea吓睇電視咁啦!
今日年初二, 都係如常地要入阿婆到拜年, 不過朝早就8點幾開始比仲爺嘈醒咁啦, 起身煮埋早餐食, 12點出門口入沙田, 去到都係食個飯咁啦, 仲爺食飯時衰衰咁就梗架啦, 但都叫做食哂半碗啦, 兩點多比佢落去樓下玩吓遊樂場, 笨元就跟隊打咗陣籃球, 3點多返屋企, 本來約咗Lincon打籃球, 但因為落雨最終冇打到, 老公同仲仲就瞓覺, 我同子元就hea, hea到6點多叫醒佢地, 去接埋嫲嫲就去愉景新城晚飯, 本來諗住食牛陣, 但佢竟然因為仲仲過咗90CM, 要收小童價, 又冇話佢錯, 咁我地覺得仲仲都唔食嘢我地又唔想比錢, 咁咪唔食囉慳番! 最後去咗食delifrance, 然後又去咗玩夾公仔, 放水咁放呢! 然後送嫲嫲回家我地就返去啦, K.O.埋兩個就hea吓睇電視咁啦!
2017年1月28日 星期六
28/1/17
28/1/17 SAT WARM
大年初一啦, 雞年行大運! 今日瞓到8點幾先醒, 不過都要hea吓咁啦, 9點幾先起身, 因為仲爺又呢樣又嗰樣, 唔起都唔得啦! 起身見到一屋都係玩具真係幾火吓, 叫做收拾完就梳洗同煮早餐, 食得嚟再要換衫梳頭, 11點幾先出到門口, 過阿媽到拜年, 食吓影吓相咁, 12點幾就過去阿嫲到, 今年勁多人, 因為表哥一家都返咗香港, 食飯時都要立食, 又要餵仲仲呢, 好忙好忙, 到2點多影埋大合照就閃了, 本來諗住入嫲嫲到, 但因為又一班人喺佢屋企, 唯有避走吓先, 老公去食D嘢, 我買咗嘢飲就同笨元喺車, 因為仲爺瞓咗, 之後本來諗住去深水涉睇吓有咩食買返去今晚食, 點知冇咩鋪開, 得個行字, 咁就返去青衣買太興燒味, 然後咪回去囉, 都係食吓hea吓咁晚飯後就回家啦, K.O.咗佢地咪沖涼做埋D嘢囉, 長假期的開始就咁過咗一日了!
大年初一啦, 雞年行大運! 今日瞓到8點幾先醒, 不過都要hea吓咁啦, 9點幾先起身, 因為仲爺又呢樣又嗰樣, 唔起都唔得啦! 起身見到一屋都係玩具真係幾火吓, 叫做收拾完就梳洗同煮早餐, 食得嚟再要換衫梳頭, 11點幾先出到門口, 過阿媽到拜年, 食吓影吓相咁, 12點幾就過去阿嫲到, 今年勁多人, 因為表哥一家都返咗香港, 食飯時都要立食, 又要餵仲仲呢, 好忙好忙, 到2點多影埋大合照就閃了, 本來諗住入嫲嫲到, 但因為又一班人喺佢屋企, 唯有避走吓先, 老公去食D嘢, 我買咗嘢飲就同笨元喺車, 因為仲爺瞓咗, 之後本來諗住去深水涉睇吓有咩食買返去今晚食, 點知冇咩鋪開, 得個行字, 咁就返去青衣買太興燒味, 然後咪回去囉, 都係食吓hea吓咁晚飯後就回家啦, K.O.咗佢地咪沖涼做埋D嘢囉, 長假期的開始就咁過咗一日了!
2017年1月27日 星期五
27/1/17
27/1/17 FRI COOL
今日係年三十晚, 又有得早放喎, 所以都已經好holiday mood 了! 朝早老公揍兩個入青衣, 我就要同佢去排隊入銀行錢, 好彩撞到對面屋個阿E, 幫我入咗唔洗排! 返到公司都係hea吓發吓夢, 食午飯時要去買飯, 但好多鋪都已經收咗, 唯有去D2買! 由於放4點, 所以都係hea吓! 放工老公嚟接我, 先去長沙灣買嘢, 然後回家, 因為仲爺瞓咗, 咁老公喺車陪佢, 我就回家最後衝刺收拾打掃, 6點多入去嫲嫲到食團年飯, 好豐富呢, 食得飽飽跟住就去行年宵, 近近地去荃灣, 叫做行咗個圈, 再行吓商場, 9點多就回家了, K.O.咗佢地我仲有好多嘢做咁, 入利是呀等等都12點幾1點先瞓呢!
今日係年三十晚, 又有得早放喎, 所以都已經好holiday mood 了! 朝早老公揍兩個入青衣, 我就要同佢去排隊入銀行錢, 好彩撞到對面屋個阿E, 幫我入咗唔洗排! 返到公司都係hea吓發吓夢, 食午飯時要去買飯, 但好多鋪都已經收咗, 唯有去D2買! 由於放4點, 所以都係hea吓! 放工老公嚟接我, 先去長沙灣買嘢, 然後回家, 因為仲爺瞓咗, 咁老公喺車陪佢, 我就回家最後衝刺收拾打掃, 6點多入去嫲嫲到食團年飯, 好豐富呢, 食得飽飽跟住就去行年宵, 近近地去荃灣, 叫做行咗個圈, 再行吓商場, 9點多就回家了, K.O.咗佢地我仲有好多嘢做咁, 入利是呀等等都12點幾1點先瞓呢!
2017年1月26日 星期四
26/1/17
26/1/17 THU COOL
今日兩個都放假啦, 老公都請咗假, 因為嫲嫲今日要覆診, 所以老公要做揍仔公! 朝早先車咗我返工佢就揍兩隻嘢入去啦, 今日我都係冇咩忙, 所以都係hea吓咁啦, 午飯後去咗Aeon shopping, 下午都係做吓自己嘢hea吓, 又要整吓公司D過年裝飾, 等到收工就閃了, 老公嚟接我去Aeon, 由於食咗tea所以都唔多食得落飯, 咁都食咗D GE, 食完就先去買咗過年送的禮物,
然後去12蚊店睇吓有冇嘢買, 跟住就揍子元去學鼓, 老公就車嫲嫲返咗屋企再嚟接我地, 送埋我地返屋企佢就同小圈子踢波, 我又要一打二, 仲換衫床單去洗, 不過就冇抺地, 因為仲爺食咗藥眼瞓, 奶都唔飲走咗入房上咗床又唔蓋被! 咁貼好埋D揮春就沖涼, 然後K.O.笨元我就摺衫乾衫等等, 做到12點幾, 老公都12點幾先返, 等佢沖埋涼hea陣先一齊瞓!
2017年1月25日 星期三
25/1/17
25/1/17 WED COOL
今日子元已經開始放假, 所以可以7點幾先起身, 跟住一齊揍仲仲返學, 食埋早餐, 老公就載子元去嫲嫲到, 我就自己撘地鐵返工囉! 返到去老實講勁悶, 又要搵D嘢扮做吓時都幾係嘢! 午飯後就hea吓啦, 下午已經開始眼瞓, 等收工! 老公嚟車我再入青衣接佢地, 原來嫲嫲去荃灣係去三叔公司團年食飯, 咁老公梗係唔肯去啦! 咁我地就去咗千色店食牛魔,
2大1小五百幾蚊, 但除咗食牛肉外, 都有好多其他熟食, 仲爺真係食藥食到冇胃口, 所以只係食咗D腸仔, 係咁睇住機算叫做合作, 笨元就食得多過我地, 午飯食得少晚飯就補番, 好得人驚! 食完佢地去睇玩具, 我就去買bra, 幾經掙扎都係買咗嗰個$590的, 因為真係幾舒服! 佢地唔止睇完玩具, 仲買咗玩具, 去買埋襪大家都有收穫就回家了, 快手K.O.咗佢地, 我仲想抺埋個門整埋D揮春先沖涼架, 但最終只係抺到門, 未貼到揮春!
2017年1月24日 星期二
24/1/17
24/1/17 TUE COOL**
今朝都仲要返學, 所以我都係要6點幾起身, 仲爺把握機會今日落去, 因為子元返埋今日就放假! 揍得仲爺返學又遲過8:30啦, 冇得第一入去! 返到公司都係做吓公事做吓自己嘢, 又係到睇吓裝條時住屋事宜, 講到尾真係太貴, 好唔值! 午飯後都係hea吓吹吓水啦, 下午老細返咗嚟, 冇人陪佢吹水就走過嚟吹, 救命! 放工都遲咗, 老公過嚟先接咗我, 再入去揍仲仲, 再去接埋阿媽先去阿媽到, 不過要埋阿妹就要等到8點幾先食得, 仲爺食咗藥冇咩胃口, 子元藥力過哂就好好胃口, 食到9點幾10點先返到去, 快手沖涼食藥趕佢地去瞓, 我今日都好攰啦, 所以衫都冇摺, 明天又要還!
2017年1月23日 星期一
23/1/17
23/1/17 MON COOL
今日仲爺請咗病假, 我揍子元落樓時佢又醒咗走出嚟, 但我已經勁趕, 唯有由得佢喊, 叫老公搞掂佢! 返上嚟先呵番佢食藥食奶囉! 老公直接揍佢去嫲嫲到, 我就hea到夠鐘返工! 返到去都係做吓自己嘢啦, 今日冇咩趕喎同埋已經勁holiday mood, 所以冇咩等別去做嘢! 午飯去買飯, 然後都係hea吓睇電視, 下午老細返咗嚟, 不過都係喺嗰邊開會等等, 冇咩阻住GE! 放工即閃去接子元, 然後返去買飯盒咋, 今日得我同佢食, 老公約咗人出去食, 仲爺痴D食GE啫, 所以等仲仲返到嚟就烚埋個菜食得, 仲可以帶埋飯, 跟住吸塵抺地, 勁多日冇抺囉好dirty!
8點幾捉佢地去沖涼, 比仲仲食埋藥9點就K.O.佢, 又再執吓嘢先沖涼囉, 執咗鞋櫃同五筒櫃頂, 都係慢慢執吓D嘢算囉! 老公10點多已經返到嚟, 不過佢話好攰呀, 所以沖完涼一陣已經瞓,
11點都未夠呢! 咁我就唯有自己睇電視摺衫囉, 12點幾先瞓!
2017年1月22日 星期日
22/1/17
22/1/17 SUN COOL
仲爺都仲係有燒, 見葉醫生今日有開, 都係睇咗先穏陣D, 打去又話要快, 咁咪快手洗面刷牙出發囉, 點知過到去又唔係多人, 攞埋藥都唔洗大半個鐘完成, 子元有咳都順手睇埋, 廢事過年冇醫生睇, 咁又放咗我血啦! 喺九龍城食埋早餐先走, 老公送我同仲爺返屋企先, 等佢食咗藥我又執吓嘢, 子元就去學鼓, 學完入沙田同阿婆飲茶, 不過仲仲食咗藥瞓咗, 所以就算醒番都好扭好嗲! 好在之後放佢去阿婆到時又OK啫! 我地就快手去沙田睇裝修傢俬先, 老公主力想睇吓D質材同問吓幾時要落order, 咁幫公司買埋嘢再行咗陣, 5點多去接埋仲仲就去咗九龍灣, 比佢地睇陣玩具食個晚餐就回家, 仲爺瞓爛覺又捉佢起身沖涼食藥就係咁喊囉, 好在都settle咗, 笨元都冇咩嘢搞, 但又要同佢包好D書呀等等我都好多嘢做! 做好哂嘢都差不多12點啦, 終於可以hea吓!
2017年1月21日 星期六
21/1/17
21/1/17 SAT COOL
今日長週, 仲爺6點幾開始嘈, 其實我長週可以瞓到8點架, 點解唔比我瞓晏D! 仲爺仲要扭喎, 又唔知佢扭咩, 最終7點幾我都要起身, 咁搞掂就出門口, 揍笨元去畫室, 然後老公再車我返公司! 咁10點多老公打嚟話摸到仲仲發燒, 帶佢去睇醫生, 咁我就要偷走出去接笨元放畫班, 再接佢嚟公司等到我放工囉! 返到去仲爺剛瞓醒, 咁見佢又冇咩, 咪照出去朗豪坊睇moichiichi, 原來係去主題餐廳, 仲爺睇到實開心, 不過都要排吓隊咁啦, 同埋又唔算好多公仔, 食物上亦唔算有好靚的公仔, 唔係太值! 食完再上去睇咗陣LEGO就回家, 因為老公話約咗盈暉個設計公司傾吓, 由於怕兩隻細阻住傾唔到, 於是找人托兒, 點知約咗6:30, 我地去到鋪頭冇人在, 老公打比條友佢話泊緊車, 咁就等一等啦, 但等到7點老公再打比佢佢竟然唔聽電話, 我咪用我個電話打比佢囉, 咁佢又聽喎, 我咪鬧爆佢囉, 約傾嘢都可以咁不負責任, 點交間屋比你呀! 跟住上去接番子元柏仲啦, 又同嵐媽吹陣水囉! 回家等老公煮晚餐, 仲爺食咗藥早瞓啦!
2017年1月20日 星期五
20/1/17
20/1/17 FRI COOL+
今日仲爺又係一聽到鬧鐘就起身, 所以一定要帶埋佢落去啦, 搞掂就返學, 今日仲仲著華服, 所以早D返去影吓相咁, 幾好玩GE! 跟住我都係返工啦, 開吓會無無聊咁又一朝, 今日送咗水機嚟, 又要執吓地方咁囉! 跟住都係做吓自己嘢! 放工返去執埋子元游水嘢就去接佢, 順手幫程生帶埋敏瑩上小童, 八咗佢考成點, 原來佢都唔係太好, 平均都係高子元十分八分, 咁今次D卷真係好深! 揍咗佢去游水就回家啦, 執好嘢兵分兩路, 老公同仲爺去美心買飯, 我去揍子元放游水會合, 食完老公就同子元踼波, 我就同仲仲返屋企, 都係捉佢沖涼瞓覺! 然後就到我沖涼, 跟住有4機衫等我, 足足摺咗兩個鐘! 佢地差不多12點先返, 快手沖好涼仲食咗宵夜先瞓!
訂閱：
文章 (Atom)