22/1/17

22/1/17   SUN   COOL

仲爺都仲係有燒, 見葉醫生今日有開, 都係睇咗先穏陣D, 打去又話要快, 咁咪快手洗面刷牙出發囉, 點知過到去又唔係多人, 攞埋藥都唔洗大半個鐘完成, 子元有咳都順手睇埋, 廢事過年冇醫生睇, 咁又放咗我血啦! 喺九龍城食埋早餐先走, 老公送我同仲爺返屋企先, 等佢食咗藥我又執吓嘢, 子元就去學鼓, 學完入沙田同阿婆飲茶, 不過仲仲食咗藥瞓咗, 所以就算醒番都好扭好嗲! 好在之後放佢去阿婆到時又OK啫! 我地就快手去沙田睇裝修傢俬先, 老公主力想睇吓D質材同問吓幾時要落order, 咁幫公司買埋嘢再行咗陣, 5點多去接埋仲仲就去咗九龍灣, 比佢地睇陣玩具食個晚餐就回家, 仲爺瞓爛覺又捉佢起身沖涼食藥就係咁喊囉, 好在都settle咗, 笨元都冇咩嘢搞, 但又要同佢包好D書呀等等我都好多嘢做! 做好哂嘢都差不多12點啦, 終於可以hea吓!