28/1/17

28/1/17   SAT   WARM


大年初一啦, 雞年行大運! 今日瞓到8點幾先醒, 不過都要hea吓咁啦, 9點幾先起身, 因為仲爺又呢樣又嗰樣, 唔起都唔得啦! 起身見到一屋都係玩具真係幾火吓, 叫做收拾完就梳洗同煮早餐, 食得嚟再要換衫梳頭, 11點幾先出到門口, 過阿媽到拜年, 食吓影吓相咁, 12點幾就過去阿嫲到, 今年勁多人, 因為表哥一家都返咗香港, 食飯時都要立食, 又要餵仲仲呢, 好忙好忙, 到2點多影埋大合照就閃了, 本來諗住入嫲嫲到, 但因為又一班人喺佢屋企, 唯有避走吓先, 老公去食D嘢, 我買咗嘢飲就同笨元喺車, 因為仲爺瞓咗, 之後本來諗住去深水涉睇吓有咩食買返去今晚食, 點知冇咩鋪開, 得個行字, 咁就返去青衣買太興燒味, 然後咪回去囉, 都係食吓hea吓咁晚飯後就回家啦, K.O.咗佢地咪沖涼做埋D嘢囉, 長假期的開始就咁過咗一日了!