19/1/17

19/1/17   THU   COOL

今朝仲爺一聽到鬧鐘就一齊起身, 想賣甩佢都唔得, 一齊落去再同loletta吹埋水, 返上樓又要快手啦, 趕到返學校都差不多開門! 食埋早餐返工啦, 今日都係冇咩特別嘢趕, 所以就照做吓自己的廚房設計, 改裝番昨天老公的意見! 午飯後都係hea吓, 跟住就執咗個櫃用來放水機, 晏D老細返咗嚟, 係咁過嚟講嘢啦, 因為嗰邊冇咗個對象佢講嘛! 不過今日就算, 佢唔知發咩神經, 又比bonus喎, 大老闆娘已經比咗架啦喎, 不過有錢梗係收啦, 知我今年諗住裝修幫補吓嘛! 放工返去接笨元啦, 跟住返屋企換衫執嘢去跳彈床, 等老公嚟到塞得車出去都7點幾, 不過跳到9點架嘛, 所以都唔怕, 但最慘係…我肚餓, 加埋做運動喎之後就更加餓啦! 不過佢兩個都玩得開心GE, 係要睇住仲仲辛苦D囉, 因為太多危險位, 同埋佢實在咩都唔怕, 都唔知佢幾時會跌, 我自己又跳吓, 都幾係攰! 玩到9點要走啦, 喺附近茶餐廳食埋嘢就回家, 快手同佢地沖涼瞓覺, 我都要快手沖涼, 好攰啦, 攰到衫都冇摺!