14/8/18

14/8/18.   TUE.    3號風球

今日3號風球，笨元唔洗踢波，本來我叫老公唔洗車我返工架啦，等佢兩個瞓晏啲，但佢又話架車泊咗喺樓下，都係要出車，所以唯有叫醒佢地起身出門口，今日又試行新路，但原來行官塘繞道都係唔work，去東九龍返工真係麻煩！今日都忙忙碌碌啦，時間都過得快，午飯後都係打吓機啦，下午閒吓又吹吓水，阿姐通知我10月又要去咩鬼fun day玩team work嗰啲活動，是但啦都冇得選擇，最唔開心係荔天開放日可能撞正公司搬運日我要返工， 堅係灰！放工又彈閘，返美孚食飯，嫲嫲佢地出咗嚟去食上海嘢！食完送嫲嫲佢地返屋企，我就趕回家追電視劇，好耐冇追劇呢！子元去咗小童營前會，仲仲又要跟埋去接，回來先沖涼捉佢去瞓覺！