30/8/18

30/8/18.   THU.    RAIN

今日時間終於過得快啲，6點幾子元個電話無端端響，雖然老公係要起身啫，但都係有問題嘛，於是等子元起身我就叫佢問番嗰位同學做咩咁早打嚟，但重點都係唔可以一早打比人又唔係咩重要嘢囉，我都教訓咗佢啦，你話我小人都係咁話，順手教埋子元，佢地開始個個都有電話就要教佢地點用，等嫲嫲過到嚟我就出門口，返到公司食埋早餐就開工，今日都算忙，咁總好過等時間過！午飯後收到Amy佢地send咗張相嚟，原來係我琴日cap的圖，但係係佢地print out咗加咗啲字上去再放喺大咪姐張枱，後來先知kiki今日放假，佢地就亂嚟，我都真係冇心架，不過大咪自己有錯在先應該會心虛，未必會告狀的，其實kiki都好走啦，當初又係佢勸我走，其實佢都可以好似我咁積極啲去搵，世界咁大無謂困喺到！下午都忙忙碌碌架，放工老公嚟接埋我就去九龍城食晚餐，食埋甜品添呢，送埋嫲嫲返去就返屋企，都係沖涼睇電視休息啦！