18/8/18

18/8/18.   SAT.    WARM

今日早午晚佢地都有嘢學，所以基本上都唔洗旨意去街，朝早揍咗子元去學畫班我地就食早餐，跟住就等夠鐘啦，然後返咗屋企，老公又瞓覺，兩隻仔就玩，我就邊摺衫邊睇埋嗰幾集延禧，1點先叫老公起身揍仲爺去學音樂，局住要行西隧，仲仲學嘢時我地就食咗野先， 揍佢走時順手買埋麥當當比佢喺車食就可以， 回來後我就係咁執佢兩個的書櫃，仲有十多日開學啦仲唔執嘢唔掂！等佢兩個學完游水就去咗食晚飯，試咗間新嘅車仔麵，去松記食埋糖水都唔洗2百蚊，回家沖涼瞓覺睇電視！