15/8/18

15/8/18.   WED.    HOT

今日真係夠哂攰！不用返公司，出去直接做嘢！約咗9點3喺油塘，真係撘地鐵可能仲快，因為唔識路，大劑到渣咗去東隧口，冇得返轉頭，唯有喺入口前跳車，最慘我真係未嚟過呢到，好在我明白路在口邊，找到就問跑快兩步趕到9點3前去到，老公就局住走一轉港島，跟住嗰三個鍾都係企喺到，上倉睇住佢地搬嘢等等，有個運輸先生嚟上板落貨，等齊就入元朗碎紙，12點幾入去，先食咗嘢先再睇住佢地碎好，期間負責影相，搞掂哂其實都係兩點幾，同事話去食一間叫華嫂的，真係幾好食架喎！食完我地仲睇埋屏山文物徑先走，車番我去最近的地鐵站，我撘西鐵勁快就到，返去沖乾淨涼就等老公嚟接我，去咗大角咀食嘢，又食......真係肥死！跟住去咗AEON入貨，又到周三特價日嘛！送埋佢地返屋企就回家，老公又要返工啦！