15/9/18

15/9/18.    SAT.    HOT

今日節目豐富，朝早又要7點幾起身，因為子元要返學校做服務生，仲爺就10點先過去小一生活體驗，於是子元快食咗個包做早餐就要開工，我地就慢慢去嘆個早餐，再買啲嘢先就去學校登記，去一間好熟的學校開放日感覺好怪架，不過我又想再聽吓有咩新嘢，公平啲亦應該比仲爺去吓體驗日！聽到12點幾接番哂佢兩兄弟就要趕下場，仲爺要去學音樂，子元就同daddy食埋午飯先返屋企！今日堅係攰喎，學完音樂回來，我除咗煮飯同揍佢地去游水外咩都冇做過，真係唔願做，仲要喺梳化瞓埋！揍仲仲去游水時順手去買吓食物，下星期子元要帶飯，都要預備定！揍咗佢地返去煮埋飯食就洗碗睇電視，老公今日踩兩更，要明早才回來，今晚又得我自己一個瞓啦！不過明天老公全日都在家，可以陪住都係好！