6/9/18

6/9/18.   THU.    HOT

今朝子元又要趕校車，叫咗佢快手啲啦，跟住到仲爺又話要疴屎，真係搞佢唔掂，我趕住出門口啦，唯有叫老公搞掂埋佢，我要趕返工啦！返到去其實都未有機會做咩，又要幫admin嗰邊手貼吓嘢等等，跟住又做吓自己嘢，之後重新pack過啲嘢，加多個箱，食完飯打吓機咁又開工，今日大家執嘢執到好似明天就走咁，好誇張！放工直接入青衣食飯，子元就喺婆婆到去球場踢波，我就食完飯先出去球場接埋子元返屋企，今日真係好熱，返去快手沖涼同佢兩個溫埋書就趕佢地去瞓，但笨元又話肚餓，搞到我又陪佢食，肥死！