16/9/18

16/9/18.    SUN.    10號風球

又係星期日先嚟打風，今次個風真係好大，差不多8點起身仲未見老公回來，馬上打比佢，因為下一更的同事仲未返到，佢地要8點先走得，咁我照樣起身梳洗，因為兩個嘢已經起咗身，不過瞓得唔好所以冇咩精神，老公回來後本來佢想瞓，但我真係需要佢煮埋早餐先，我教仲爺做埋功課，咁食完早餐做好埋嘢我又要睇子元功課，之後仲要摺衫等等，其實幾時都咁多嘢做！冇再同佢地溫習，3點幾煮埋午餐，都係食餃子麵咋，跟住都係hea住過，子元就係咁打機，但都比我趕咗入房溫吓英默！晚飯老公煮，由於風球走得好快，明天應該已3號返工， 但小朋友就講咗唔洗返學，所以最終決定咗送哂佢地入嫲嫲到，本來我係唔想，怕佢兩個嘈住嫲嫲休息，但冇法我明早真係唔可以喺咁惡劣的交通情況入到去！出到街先知個情況有幾誇張，馬路好多位都有樹，要行北橋先入到去，揍咗佢地入去我地就回家休息了！