26/9/18

26/9/18.   WED.    HOT

今日忙足一日，時間幾快過呀！朝早搞掂哂啲細返學就返工啦，忙忙亂亂咁又一朝，午飯後都係打吓機，下午必需要出哂啲notice先得，所以都要快手啲！放工即走都撘唔切嗰架巴士，搞到7點多先返到去，老公話出去食米線，食完仲爺就跟住我，老公揍咗子元去踢波，我仲要上阿嫲到出埋糧比工人！最搞笑係荔天大谷嗰邊有條家教會的人喺到問啲家長電話，但最終比我地串番轉頭，做咗咁多年同級都唔知邊個打邊個家長，唔抵串咩！老公車我同仲爺返屋企先，咁我就可以睇埋延禧啦！仲爺喺梳化瞓咗，所以好快搞掂佢，到笨元都係要對吓功課，真係溫唔到書咁！