19/9/18

19/9/18.    WED.    HOT

今日老公放假，所以仲爺返學部份外判咗比佢啦，我夠鐘就返工啦！返去食埋早餐就開工，不算太忙但亦冇咩閒過，午飯佢地話叫外賣咁就叫啦，間中試吓都可以嘅！食完吹吓水咁又開工啦，下午的下半段好多人都出哂去開會，所以我地得番兩個人留守，各自做嘢夠鐘就彈閘啦，等穿巴上得地鐵都過咗半個鐘，其實真係好誇！過到長沙灣老公佢地都係啱啱到，去茶記食晚飯，仲爺又食到好似迫佢咁，子元就食極都唔飽！夠鐘佢就落去踢波，我地就過咗AEON shopping，然後返去接番佢，返到屋企快手沖涼，仲爺明天參觀不用交功課，但都要佢襯我沖涼時寫英文生字，條友仔係進步咗，寫到臨尾嗰行可以唔睇咁巴閉！終於K.O.哂佢地都仲要摺衫先有得瞓呢！