1/9/18

1/9/18.   SAT.    RAIN

今日差不多落足一日雨，人都冇咩心機，朝早8點多起身，跟住就出去食早餐，因為車泊咗喺長沙灣就過去食啦，跟住就要去泳池，子元參加咗白豚的比賽，都係比佢攞吓經驗啫，不過現場都真係又亂又人多， 幾辛苦呀！10點去到等到差不多11點先游得，以為條友可以攞啲名次，點知都係得個吉，不過算啦都遇咗架啦，12點多游完就過海到仲仲去學音樂，我地就食埋午餐買吓嘢啦，返屋企後老公就瞓覺，我就同子元對吓練習，仲爺玩玩具，子元去游水，跟住仲爺都去游水我就買餸，不過都解凍唔切嚟煮，不如出去食，試咗長沙灣間新嘢，但所謂正宗餃子都係唔正宗！食完老公就去踢波，我地就返屋企沖涼睇電視！