20/9/18

20/9/18.    THU.    HOT

今日開始大長征，朝早要捉埋仲爺起身落樓，因為老公返咗工，返上樓快手搞掂埋就出門口，不過嫲嫲唔知醒，所以8：05先接到仲仲，我就要趕車，好在都上到8：40班車，順利返到公司！食埋早餐就開始做嘢啦，今日都係有嘢就做，唔洗急最緊要快！午飯睇埋套延禧，仲有薑醋送飯，幾好！下午又要切生果，好忙碌呀！再做吓嘢咁又放工啦，快手返到嚟就趕佢地入房做功課，仲爺唔願做架，但喺我嚴刑之下又點會有得偷懶，計埋食飯洗碗等等10點都完成哂可以瞓，跟住又要跟笨元啦，11點多才有得沖涼，我都話我勤力過7-11架啦！