10/11/18

10/11/18.   SAT.    COOL

星期六都係忙碌的學習日啦，8點多就要起身，9點子元補英文，我地就去食個早餐，然後到仲爺返去做功課，例牌激到我嘔血啦，但都叫做喺出門口學音樂前做哂，我仲對埋子元啲功課添，老公揍完子元回來就送我地去地鐵站，我又要揍仲爺去學音樂，食個午飯行咗陣就返去接佢，又要去葵興踢波，今日全撘地鐵慢慢行都早到，換好衫臨開始又話要疴屎，但因為得蹲廁，條友蹲蹲吓又疴尿，真係比佢玩死，條褲濕哂，搞到我又要洗褲吹乾比佢著住先！踢完撘巴士返去，快手沖個涼又落去接子元，近近地去咗食米線咋，然後就返屋企沖涼睇電視！