25/11/18

25/11/18.   SUN.    COOL rain

今日凍咗好多，瞓到10點先起身，梗係見佢兩兄弟咩都冇做啦，趕咗佢地入房我就梳洗然後煮早餐，今日食得簡單啲咋，跟住就係功課車輪戰，我真係好攰，不停要教又要催仲爺做，又唔想浪費時間，老公就因為唔夠人去咗踢波，頂！3點幾先返到嚟，又要去食嘢又要攞篋比阿媽又要去投票，真係好忙！跟住去咗海運行，睇玩具買禮物比仲爺，佢等生日禮物都等咗好耐，之前真係好少買嘢比佢！然後都係周圍行吓啦，去大家樂食埋打邊爐就回家，明天又要返工返學！