29/11/18

29/11/18.   THU.    WARM

今朝笨元就晨雞咁早出門口，佢話佢係英語大使要早啲返去準備，相反仲爺就抬都唔起，差不多全程服侍！跟住就同嫲嫲會合，其實咁揍仲爺返學都開心嘅，佢都好多嘢同你講！買埋早餐返公司，今朝都係冇咩做，阿姐出咗去之後我地又作反，吹水吹到完全冇理其他人咁，我就做埋常識專題囉，下午先開始做吓job cert咁，放工閃人返去揍笨元，因為佢喺學校踢完波就直接去補習，所以我去補習社接埋佢先返屋企，嫲嫲煮好飯有得食，搞掂哂啲嘢都9點幾，沖涼時見仲爺仲玩緊咪諗住沖完涼先比佢瞓，點知我沖完涼出來佢已經自己上咗床瞓，真係好可愛！笨元就做哂功課就比佢瞓，都11點囉！