4/11/18

4/11/18.    SUN.    COOL

今日都係遇咗做溫書日架啦，朝早瞓到8點幾9點，老公話出去食早餐，順手幫程生泊番架車去停車場，條友琴晚扭親腳呢，撘的士去睇醫生，因為扭親右則口渣唔到車呢！咁食完就返嚟溫書啦，不過又要等佢做埋功課做埋練習咁，都12點多先再同佢溫，唔覺唔覺原來3點幾4點，真係餓啦要出去搵食，老公去長沙灣攞車，見到樓下有得玩咩嘉年華，於是帶佢地落去玩吓休息吓，順手等老公攞車回來，跟住去咗新世紀，睇咗一陣玩具咁大把，見已經五點多不如午晚餐一齊食，去咗食牛涮窩呢！真係食到好飽，食完就閃冇再睇玩具，反正呢個場都冇咩睇！回家沖完涼都冇得睇電視， 因為要幫笨元繼續溫埋下半場，主要再問吓書寫生字咁，溫到九點幾終於完成啦，起碼我覺馥至冇咩書可以問！我叫做可以休息吓咁囉，不過都係要k.o.哂佢地，接埋衫睇吓電視呢！