12/11/18

12/11/18.   MON.    WARM

又要返工返學啦，今日老公仲要返早，所以送子元出咗門口我又要快手搞掂仲爺入青衣，返工有點遲，好在還趕到班車，喺樓下買個早餐就要返上去開工，忙忙吓又一朝啦，午飯出咗去食，都有啲貴呀但一次半次出去食都可以的！下午返去都係咁做吓嘢，但主要吹水講電話，因為收到個消息，舊公司個會計今日都比人斬埋走，即走嗰隻，嗰條PK真係仆街到一個點，不過算啦離開根本就冇損失，只係覺得有啲可惜啫！放工返去長沙灣食日本嘢，梗係同嫲嫲一齊啦，老公送咗我地返屋企，沖好涼同仲爺溫埋書，笨元就迫佢自己溫，希望佢默書唔好出事啦！