23/11/18

23/11/18.   FRI.    COOL

今日凍咗好多，我都要著番長袖著番褸！老公放工回來就揍佢地返學，攞埋個錢箱返去交！買埋早餐返去啦，跟住都係做吓公事又做吓私事，午飯好想出去行吓，所以快食完就跟埋ivy佢地出去，relax吓嘛！下午有得做埋評估，都真係有傾工作呀，重點係睇個分喺幾多，因為個分大約就係個bonus的人工數，3.2即係大約有3個月雙糧，咁我做得半年，按比例都應該有1.5！放工要避咗紅隧塞車，所以行去彩虹撘地鐵，阿姐聽到又跟咗我地行，真係唔係咁想囉，跟住咁人地點講佢啫！直接返美孚食飯，跟住就去小童仲爺合唱團，子元做功課，我同johnson傾project！返到屋企見到隻爛咗嘅相片CD，我燥到一個點，睇咩都唔順眼咩都鬧啦！放咗上網講咗叫做抒發咗，但我都冇理仲爺，笨元都受唔少，我掉哂出走廊啲嘢佢又要執，又要保住個細佬，襯我沖涼時快手搞掂咗個細佬，其實佢都真係乖架，但我發覺我真係有啲燥鬱，一係想係咁掉嘢一係想係咁大喊，完全控制唔到，好辛苦！