19/11/18

19/11/18.   MON.    COOL

今朝又要揍仲爺入青衣，條友慢吞吞我又矇矇吓，搞到真係勁趕囉！買埋早餐返公司食又要開工，隻手臂都仲痛緊，但都要做嘢架啦，今朝公事又忙私事又忙，幫阿媽print台證，手腳又慢咗真係做得慢啲，轉個頭又午飯，食完都係吹吓水咁啦，淨係搞掂子元個專題都夠我煩！下午真係要做嘢啦，不過阿姐晏啲又出咗去，搞到大家又吹水囉！放工直接回家，快手趕仲爺去做埋啲功課，食完飯洗好碗就趕佢地去沖涼，仲爺今日好合作，沖完涼我話你可以自己畫畫，佢又真係好乖咁喺房畫，等我沖好涼佢就刷牙等我講故事瞓覺，仲執好哂間房！跟住同子元對一對功課，睇吓個google classroom點搞等等！老公話佢同同事食埋宵夜先返，咁我咪又係一條友頂哂啲嘢，佢搵多啲錢返嚟啦！