3/11/18

3/11/18.    SAT.    COOL

今朝子元要足球比賽，所以老公一早同咗佢出去，我就同仲爺hea 到9點幾先起身，慢慢煮早餐，今日好想試吓整pancake，跟足包裝袋寫去整真係成功喎！執埋嘢都11點先開始捉仲爺做埋啲功課，好在嫲嫲琴日同佢做咗大部份，咁我都係執埋個尾，起碼寫生字嗰啲已經完成，不過都做到12點幾，又要出去學音樂，老公同子元踢完波就帶佢去英華聽talk，我就等仲爺學完嘢做去會合，睇佢地食埋嘢先交換人質，老公今次到帶仲爺去踢波， 我就同子元返去溫書，其實上星期都溫得八八九九， 今日都係做練習，睇吓佢仲有咩唔識，可以再溫！等仲爺踢完波就出去食晚飯，都係附近食咋，因為輪到老公去踢波，我就同兩個返去打暈佢地，明天繼續閉關，好在老公明天放假，可以揍住仲爺，唔洗好似上星期咁一邊溫一邊鬧仲爺！