18/4/19

18/4/19.    THU.    WARM RAIN

返埋今日終於都放假啦，朝早老公放工回來就叫埋我起身，兩隻豬仔已經起身，所以就一齊出門口揍我返工，去食埋早餐佢地就返屋企，我就努力返埋今日工！都有嘢做時間都算過得快，午飯叫咗KFC食，好邪惡呀！下午都係做嘢吓又吹吓水又打吓機咁啦！老公話今晚出去食，順手去crocs買過啲鞋，因為唔啱嘅唔嘅啱，爛的爛都要買架啦！然後去咗食Ivy介紹嗰間小籠包，真係超正囉！食完仲要報告吓呢！行返去Mikiki再行吓先，因為老公都要返夜，所以唔會返屋企啦，陪佢行到夠鐘呢，行完Mikiki就行過去九龍城食埋糖水，老公就返工我地就撘小巴回家， 仲爺都勁攰啦，沖完涼喺梳化又想瞓，快手捉佢刷牙食埋藥瞓覺！然後再叫笨元執好明天踢波啲嘢，又要練波又要比賽夠哂忙啦，執嘢執到錯哂，都唔知要教幾耐先識！