25/4/19

25/4/19.   THU.    HOT

今日真係夠哂忙，朝早7點幾都要起身，因為8：15要去抽血，仲要揍埋子元一齊喎！過到去都要等，等到抽完血攞埋到診紙都差不多9點，趕到架巴士去到西九，食埋個早餐剛好去入境處同子元搞身份證，點知原來帶唔齊證件，頂。。。要馬上返屋企攞，咁就遲咗半個鐘，雖然去到馬上有得做番，但影好相打好指模，原來都要等一輪，11點多先完成，咁就趕唔切去補英文，咁就送咗佢撘巴士返屋企我就返工啦，返到去都12點多，都有做吓嘢架，午飯提早食，因為去德福買生果，我都買咗牛油果呢！下午真係冇咩mood做嘢，阿姐唔喺到喎，又冇咩趕喎咪hea吓囉！放工入青衣， 試吓撘42C原來都好快喎，可能仲係大假期後未塞車掛！去青衣城食埋飯食埋雪糕先回家，仲爺冇見1日當然好痴身啦，打暈埋佢地就摺埋啲衫才可以休息呢！