12/9/19

12/9/19.   THU.    HOT

今朝老公放工回來就接仔返學，因為早咗好多嘛，子元可以7：35返到去佢就好開心啦，我就太早啦，叫老公車到我返公司，隔離食埋早餐先返去！夠鐘開工就做吓嘢咁囉，有嘢都係要做架啦，今日阿姨又請病假，擺明玩嘢啦！午飯快食後同咗Joey佢地去行朗晴間就執的奇趣天地，買咗兩卷雞皮紙比仲爺做枱墊！下午上半段時間都係要做，等阿姐出咗去開會，勁free但都係做正經嘢，幫子元佢地常識個專題做定份第一階段報告用，咁又放工了！快腳返到去執好嘢又要去接笨元放游水，再入石門食做節飯，因為仲仲要踢波，所以就一就啦，不過間室內大牌檔幾好食喎！食完就返屋企啦，還要睇功課同捉佢地沖涼瞓覺！今日派咗學生相，笨元影得好大個，仲爺影得好可愛！