16/9/19

16/9/19.   MON.    WARM

今日開始返全日啦，琴日整定咗飯團，可以瞓多一陣，但都要快啲叫佢地起身，順利返到學校，但之後先發現唔記得比錢佢地買早餐，有啲失策！同老公喺公司樓下食埋早餐，差不多夠鐘先返上去！馬上請咗放早半個鐘，要去配眼鏡呢！然後都係開工啦，又係冇停過手，轉個眼已經放飯，快食完要做功課，真係好命苦，又要找資料又係打嘢咁，真係好慘！下午都係做嘢，忙到想做吓自己嘢都好難！5點半已經即閃但都要6點半先過到去配眼鏡，驗埋眼選埋框就比錢啦，都好快手，7點半已經返到去，同笨元會合，回家收拾煮飯，等仲爺踢埋波回來食飯都已經9點，之後還要洗碗清潔，再到最慘的對功課，因為仲爺又係好多都未做哂又要眼瞓啦，搞到11點幾先瞓得，我仲有大把嘢做呀救命！