2/9/19

2/9/19.   MON.    RAIN

真正開學了！仲爺笨元齊齊做小學雞的一年，今朝落住雨咁天，我要揍佢兩個返學，基本上以後只要daddy返早揍唔到佢地都係我揍架啦，子元就趕頭趕命咁，仲爺同我追到死，有時真係覺得佢好唔識體諒，咁多人你一個人快閃梗係得啦，但齊齊行就唔係火咁架啦嘛！終於返學校門，點辛苦都要影張相先啦，難得嘛！送咗佢兩個入去我就行過南昌站撘車返工，今日反而比預計早咗，可以喺火車站買埋麥記返公司食，今日只有一個字形容：忙！上午係咁跟番啲電郵，下午就入哂啲job cert，真係忙到水又冇飲更加唔洗去廁所！放工撘24號過旺角，子元要踢比賽，老公又要揍仲仲去踢傑志，所以我要喺旺角等笨元比賽完接番佢，本來以為咁大雨唔洗踢，但最終開得成仲輸好多呢，不過原來呢隊好勁架，咁冇得講啦！踢完同笨元撘地鐵返長沙灣同老公會合，去君日快食個晚飯就算，回家搞回條都搞咗我大半個鐘，嚟緊日子會點過呀！