20/9/19

20/9/19.   FRI.    HOT

終於到星期五啦，老公都係咁揍我地返工返學，子元又係喺到趕人快啲啦，食埋早餐開工，上午都仲會做嘢，因為始終都係要做，午飯冇入房食， 食完都係hea吓，跟住就上德福攞tat，真係少啲力都唔掂！分吓tat食吓hea吓咁，完全唔想開工囉，反正又未急到deadline，都係休息吓先啦！放工過去荃灣攞眼鏡，跟住又返樂富揍子元，真係遊地鐵河呢！副新眼鏡都幾靚，但真係要啲時間適應！返到美孚我就去揍仲仲，子元自己返去沖涼先，等程生車我地回來，整埋啲粉食就沖涼瞓覺！我就hea吓睇吓電視咁啦！