4/9/19

4/9/19.   WED.    WARM

今日老公請咗病假，條腰整親喎，咁就可以車我地返工返學啦，今日交通又出奇地順暢，揍咗佢地返學都係7：45，我返到九龍灣都係8點多，所以一齊喺工商食早餐先，8點幾我先返上公司，佢就去九龍城睇醫生啦！今朝都係忙架，因為有果籃月餅嚟要分嘢，午飯竟然好多水吹，突然覺得同阿姨關係好番啲咁，或者學ivy話，佢冇哂左右手，仲夠膽對我唔好，唔怕我都唔同佢做嘢咩！下午都係真工作到放工，等老公嚟接我，查實似係交收仲爺多啲，佢車我地去巴士站，我同仲仲撘巴士返去，佢就去番球場睇子元！落車時仲爺本來都講嘢講得好開心，但佢望望吓個地點點解咁怪，咁鍾山臺又真係冇咩人又黑，對佢嚟講係幾得人驚！返到屋企休息吓7點幾才煮飯，今日又煮得唔錯喎，要重拾番個節奏呢！差不多9點子元佢地先返到嚟，食得飯嚟都冇咩時間，又要清潔收拾執書包等等，而家未有功課就可以咁hea啫，之後都唔知點算！