9/9/19

9/9/19.   MON.    HOT

又係一個一揍二返學的日子，照樣明明遇到時間出門口，但出得嚟又已經7點半，子元又趕我地又追咁，真係好辛苦！揍咗佢地就到我返工，行去南昌站時，見到學生們拉人鏈，都忍唔住支持吓，真係有啲眼濕濕，同佢地講我呢啲揹住頭家嘅幫唔到你地啲咩，辛苦哂！佢地就話冇問題架，你支持就得架啦！平復咗就返工啦，早早返到去食埋早餐就開工，忙呀忙走一朝，呢種咁忙嘅日子仲要捱幾耐！最搞笑係食飯時，連阿姐都串話阿姨發佢脾氣黑佢面嘛！食完個飯就去買餸，有啲熱咁啦，買完返去又係時候切生果，忙完呢啲都要做paper work架，臨放工仲要搬件，放工返去煮住飯等子元仲仲佢地回來，子元游完水回來攰到好唔正常，應該係體力透支啫！食住等仲仲佢地返來，還要對功課洗碗抺地沖涼趕佢地去瞓，咁又差不多11點先閒少少！