1/11/19

1/11/19.   FRI.    COOL

終於捱到星期五啦，揍咗佢兩個返學我地就食早餐返工，返到去都係吹吓水啦，嘢都有啲做吓嘅，午飯同咗catherine佢地食，都係講事非啦，不過講得多就開始覺得佢地太小心眼，好多嘢都唔想比人知咁，船頭驚鬼船尾驚賊咁，不過算啦，唔管得咁多！下午真係要做嘢囉，做到差不多放工呢，行過去球場同老公佢地會合，因為老公要車梓朗返屋企，所以子元都遲咗去球場，冇所謂啦踢少陣，我就揍仲爺返去小童合唱團囉，程生車埋我返屋企換衫休息吓先，晚飯就同程家去晚飯，食埋麥記先回程，明天入冊啦今晚食餐好啦！