23/11/19

23/11/19.    SAT.    WARM

今日都係如常的星期六，加上老公放假，都過得幾hea！朝早子元要補英文，8點幾要起身出門口啦，揍咗佢過去我地就去食早餐，老公攞車去洗，然後去接番子元再去畫班，仲爺就返屋企做功課，都係勞氣架啦，教唔聽咁！老公接番子元回家，又差不多時間到仲仲過海學音樂，今日老公同佢撘地鐵過去，因為冇紅隧又冇171嘛！我就同笨元喺屋企煮午餐，睇吓功課溫吓書又hea啦！仲爺回來做埋份常識就出去食晚飯，近近地去咗奧海城食food court，本來想幫仲爺睇吓有冇黑鞋，點知都係冇，咁唯有明天再出去睇！揍咗我同仲爺回家，佢同子元就出咗去踢波了！