21/11/19

21/11/19.   THU.    COOL

有老公揍返工返學真係輕鬆好多，去到食埋早餐我就返工啦，今朝都係好好咁做嘢啦，臨近年尾都係乖乖地好！都有同佢地吹吓水，分享吓子元琴日九華試完腳可以直入面試環節的喜悅！午飯又入咗房同Catherine佢地吹水啦，真係八婆咁！下午襯阿姐去咗開會時就整吓相先，之後都係做嘢囉！放工就慘啦，諗住撘巴士ok，點知42c同38都上唔到車，諗住去撘40又滿坐，最終等到架6D照上，但7:45先返得到屋企，真係好漫長！完全唔想再煮飯，去咗pizza Box買Pizza食，老公 同仲爺踢完波回來，食飯沖涼做埋啲功課，10點半前打暈埋佢地可獎人好咁睇全民造星呢！