28/11/19

28/11/19.     THU.    WARM

今日係兩隻豬仔最期待的海洋公園旅行日，但笨元就好唔開心冇得同同學一架車要跟細佬，老公就同我地食完早餐就去接嫲嫲直接過海洋公園，差不多10點終於可以入到場，最搞笑係今日OLR都有活動喺嗰到，我都同其中一個老師打招呼，佢話認得我都唔知真定假！今日主要係先玩咗山腳，食完午餐再玩山頂！不過喺山腳的時間子元都唔多好面口，因為佢好想同啲同學一齊玩呢，但真係做唔到嘛，由得佢黑囉！睇完魚睇完熊貓，去咗威威天地就狂玩囉，仲喺嗰到接到婷婷，咁就全日都一齊囉，玩到12點幾出番去水都嗰邊食意粉，然後就上山頂玩，本來想坐完轉轉海洋生物撘覧車，但婷婷唔想坐之餘又要等30分鐘，所以最後都係去咗撘海洋列車囉！上咗去子元找到啲同學，就跟咗佢地玩，咁我地就睇企鵝囉，之後仲爺都去咗玩過山車，我又跟吓笨元，去咗玩激流，但都係喺上面用水射人好玩好多！之後分兩路我就同仲爺佢地落番山腳，老公就喺山頂陪子元，排隊撘覧車落番山腳，去威威天地玩多陣，等老公佢地落嚟就走啦，都已經6點！因為要去石門仲仲練波，結果7點先去到，踢完就去對面食埋晚飯回家，今日真係堅攰！