8/11/19

8/11/19.   FRI.    COOL

今日都係老公車我地返工返學，下星期返早，我又要一揍二行餐死！食埋早餐返上去都冇去吹水，今日氣氛應該唔係咁好嘛，都係努力做嘢好啲！午飯後入咗房同catherine佢地吹水，八婆一餐幾開心架！下午都係做嘢啦，點知又話今晚會有社會運動，提早5點可以收工， 快手做好埋啲嘢收工，撘地鐵返去接埋仲爺，就回家局佢做哂啲功課先出去合唱團，我就係咁打機囉！等佢地放咗就揍哂仲爺婷豬去曼山，程家已經攞咗位打邊爐，我地食到10點幾11點先肯走呢！