18/11/19

18/11/19.    MON.    COOL

今日都係要停課，老公返中所以我下午都要請假，真係好想話可唔可以帶埋佢地返工，我覺得呢啲特別日子真係要通融吓囉，不過梗係冇可能囉！一家揍哂我返工食埋早餐，佢地就返屋企我就開工囉，因為要半日內做哂全日嘅嘢，唯有開行油門做嘢！食完午飯就返去，買埋餸今日唔出門口架啦，老公同佢地食埋早餐就揍佢地回來佢去返工，今日佢仲要踩兩更，所以我們都閉關！比佢地hea到3點就要開始上堂，其實都唔知可以點教，總之溫故知新咁啦，到5點幾放生佢地啦，比佢地自由活動吓，笨元梗係睇機，仲爺就喺到畫嘢囉，6點幾7點煮晚飯食，然後都係沖涼休息，仲仲食埋藥都瞓啦，見到仲爺畫咗支旗，應該心痛的吧，一個6歲的小朋友，似懂非懂的支持著香港人，雖然在佢眼中好多問號，但我都似解答唔到佢咁，真係好無奈，我地呢地廢中淨係識得返工，除咗不抱怨外仲識咩呢？