22/11/19

22/11/19.    FRI.    WARM

今日都係有老公揍返工返學，所以慢慢食埋早餐就返工，今日著得比較hea，點知阿姐話group老細嚟開會，返埋位同ivy講唔夠兩分鐘大小姐叫咩名，佢就殺到，好在我認到，帶佢去A房，真係比佢嚇死，大家都feel到我好緊張呢！由於今日著得太Hea，去咗借衫著，等自己變番斯文啲！跟住都係做嘢啦，今日都好多嘢做呀！午飯後上咗31樓shopping，今次係位元堂呢，我地都係主力買湯包，買完一轉又上去陪catherine再買過，阿姐又話仲想要某隻湯包，佢地衰到話叫我跪都要跪幾盒回來，咁我都找到兩盒回來比佢！開心shopping完又要做啦！捱到happy friday的放工，就尤行過去球場搵番我啲豬仔，帶仲仲返小童上合唱團，我就hea吓囉，唔想煮飯所以等佢地唱完就返咗長沙灣食元朗冰室，回來仲仲好似有啲燒，可能因為今日打完針，唯有比藥佢食啦！