12/11/19

12/11/19.   TUE.    WARM

今日都係好辛苦咁返工返學，等地鐵等到7:45先有車，又要跑返學啦，跟住又到我要去南昌站，好在有車係站站都要等先開車囉！返去買埋早餐，又要開工啦，朝早都好勤力咁工作架，午飯後同人吹吓水咁，有個同事兩日都好邪咁坐著會著火的港鐵，所以我都算係咁！下午都真係做嘢，明天有得自由活動半日喎！放工有得跟車走梗係跟，去咗紅磡撘西鐵返美孚同老公佢地會合，入青衣接埋嫲嫲去咗大窩口食泰國嘢，但冇之前咁好食，同埋食完都快啲走，又唔知出面交通點，好令人擔心！返到去都係趕佢地沖涼瞓覺，個人好攰啦所以都好惡咁趕佢地快啲！晚上的新聞真係睇到人地好心痛，無力感太重了，同蘇sir吹咗一輪水，大家都係呻吓咁啦！