14/11/19

14/11/19.   THU.   COOL

今朝諗住停咗課，由得老公同兩隻豬繼續瞓，以為同之前一樣交通點都掂，點知就出事啦，西鐵又唔得，等咗一輪先出要等20分鐘先有下一班車，已經趕唔切去得到紅磡轉shutle，咁就轉去荃灣線，但上咗車都係冇用，因為唔開車！唯有上番地面再試吓撘小巴，去到小巴站見到起碼有百幾二百人排，但巴士又冇，我唔想喺地鐵撘兩個鐘，所以決定路面！但等極都冇車，咁啱pest team嗰邊問開齊人未，我就撘嘴話我仲喺美孚呀，文哥轉個頭就打嚟話救我啦，真係好感激，不過佢地都要去攞咗車先可以嚟車我，9點幾過到嚟，所以10點多我都返得到去，因為下午請咗病假去覆診，所以都要快啲做好嘢，食埋個飯就落樓，叫咗老公嚟接我，好快就去埡弓葵涌醫陣啦，睇完叫咗我試吓加半粒藥睇吓點！等老金嚟接埋我就回完，仲爺啲功課都未做哂就返去做好埋佢，跟住就去咗球場踢波，踢到7點多就去食米線才回家休息。