15/11/19

15/11/19.   FRI.    COOL

今日要一家大細揍我返工，經過琴日咁真係冇辦法唔咁做，8點幾過到公司樓下，計計時間都係上去拍咗卡先穩陣，食完都準時上到去，跟住就開工啦，估算今日都有機會早放，都係快啲做好啲嘢啦！不過時間就好似過得好慢咁囉！終於捱到放飯啦，又有加餸所以12點幾已經出出入入去整餸呢！一邊食一邊吹吓水啦，2點開工後聽到VW嗰邊講有得早放，果然3點-4點開始可以放人，咁就叫老公過來接我，順手車埋Phoebe因為佢都係返荃灣，老公佢地未食嘢，咁不如過愉景食嘢順手行一陣啦，5點幾6點先返屋企，hea到7點幾先煮飯食，不過仲爺好似唔係好舒服，佢話喉嚨痛又有鼻水，應該係少少傷風囉，食完飯快手同佢沖咗涼食埋藥就瞓啦！等佢瞓咗我地先慢慢做其他嘢，10點多都趕笨元去瞓，明天都要補習的！