10/1/20

10/1/20.   FRI.    COOL

終於到星期五啦，今日要返全日啦，不過因為已經冇緊急嘢，所以都唔算太忙，有嘢就做咁啦，可以輕鬆啲！一朝早返去就吹水會，最開心的時光呢！跟住就做嘢啦，時間都過得慢喎！午飯入咗房邊食邊講番之前開咗個topic，外遇！都係過咗去嘅事啦，當故事講番出嚟囉，佢地聽得好開心囉！放完飯又要回歸現實，但真係冇咩心機開工，3點多又有tea食，所以都係吹水多做嘢少！放工叫咗老公嚟車我，因為要搬番啲清潔用品返去嘛，之後老公返球場接子元，我就執好嘢揍仲爺去合唱團，我又去咗萬寧掃貨，真係平先買架，只係個量多咗啲咁解啫！晚飯同程家食，子元今日放咗學去咗同學家會所玩，玩到踢波老公接番佢去踢波！明天要去in英華，都冇咩可以再幫佢，隨緣啦！